فاریاب کې د ۱۵۷ ورزشکارانو ترمنځ د کیوکوشین کای کان کراټې کانچو ماتسو سبک دري دېرشم پړاو سیالۍ ترسره شوې
د فاریاب ولایت د بدني روزنې او ورزش امریت اړوند د کراټې ملي فدراسیون د استازولۍ له لوري د یاد ولایت په قیصار ولسوالۍ کې له شپږو ولایتونو د ۱۵۷ ورزشکارانو ترمنځ د کیوکوشین کای کان کراټې کانچو ماتسو سبک دري دېرشم پړاو سیالۍ ترسره شوې.
دغه سیالۍ، چې په بېلا بېلو وزنې کټګوریو کې ترسره شوې، په پایله کې د فاریاب ولایت ورزشکارانو د اوو امتیازونو په ترلاسه کولو لومړی، د هرات ولایت ورزشکارانو د دوو امتیازونو په ترلاسه کولو دویم او د بادغیس ولایت د یو امتیاز په ترلاسه کولو سره بیا درېیم مقام ترلاسه کړ.
د یادو سیالیو موخه د ورزشکارانو ترمنځ یووالی رامنځته کول و، چې یوه ورځ یې دوام وکړ.
د سیالیو پای کې غوره ورزشکارانو ته چمتو شوې ډالۍ ورکړل شوې.
