لغمان؛ علیشنګ ولسوالۍ کې د ټېپ بال کرېکټ سیالۍ پیل شوې
د لغمان ولایت د بدني روزنې او ورزش آمریت او د ټېب بال کرېکټ فدراسیون د استازولي په همغږۍ، د یاد ولایت د علیشنګ ولسوالۍ په کوټالۍ کلي کې د ۴۲ لوبډلو ترمنځ د ټېنس کرېکټ بال سیالۍ پیل شوې.
د یادو سیالیو لومړۍ لوبه د کوټالي کلي ب او جمشېر آباد لوبډلو ترمنځ ترسره شوه، چې د کوټالي ب لوبډلې یې بریا خپله کړه.
دغه سیالۍ چې له نشه يي توکو څخه د ځوانانو د لېرې والي او ورزش ته د ودې ورکولو په موخه ترسره شوي؛ ۲۵ ورځې به دوام وکړي.
