لغمان؛ فراشغان ولسوالۍ کې ۲۴ لوبډلو ترمنځ د فوټبال سيالۍ پای ته ورسېدې
د لغمان ولایت د بدني روزنې او ورزش آمريت په همغږۍ، د فوټبال فدراسيون د استازولۍ له لوري د فراشغان ولسوالۍ په منگپور کلي کې د ۲۴ لوبډلو ترمنځ د فوټبال سيالۍ د منجغان لوبډلې په اتلولۍ پای ته ورسېدې.
د يادو سياليو پايلوبه کې منجغان لوبډلې خپلې سيالې چاشدر لوبډلې ته د يو پر صفر گول په توپير ماتې ورکړه او اتلولي يې وگټله.
دا سيالۍ د ځوانانو لپاره د سالمې تفريح برابرولو په موخه وشوې، چې شاوخوا دوې مياشتې يې دوام وکړ.
