لوګر؛ مرکز پل علم کې د ۲۲ لوبډلو ترمنځ والیبال سیالۍ پیل شوې
د لوګر ولایت د بدني روزنې او ورزش آمریت اړوند د واليبال فدراسيون د استازولي له لوري د یادولایت له مرکز او ولسوالیو څخه د ۲۲ لوبډلو ترمنځ د پسرلني جام په نوم د والیبال سیالۍ پیل شوې.
د دغو سیالیو لومړۍ لوبه دپيروزى کلنګار او کتب خېلو اتلانو لوبډلې تر منځ ترسره شوه چى په پایله کې یې د پيروزي کلنګار د ۳ پر صفر میدانونو خپلې سیالې لوبډلې ته ماتې ورکړه.
د یادو سیالیو موخه په لوګر ولايت کې والیبال سياليو ته وده ورکول ښودل شوي دي.
