لوګر; مرکز پل علم ښار کې د ۳۵ زره امریکايي ډالرو په ارزښت یو ورزشي جمنازیوم جوړ او پرانیستل شو
د لوګر ولایت مرکز پل علم ښار اړوند اتفاق هوټل ته نږدې د اکیسجن په نوم یو ورزشي جمنازیوم د نورآغا وطن دوست په مالي لګښت جوړ او نن د لوبو کولو په مخه پرانیستل شو.
په دغه جمنازیوم ټولټال ۳۵زره امریکايي ډالر لګښت شوی، چې بېلابېل پرمختللي او عصري ورزشي ماشینونه او نور وسایل پکې ځای پرځای شوي دي.
د یاد جمنازیوم د پرانیستې په غونډه کې د لوګر ولایت د بدني روزنې او ورزش آمر مزمل نعیم زوی او نورو مسؤولانو ګډون کړی و او د جمنازیوم مسؤول څخه یې د لا زیاتو خدمتونو هیله څرګنده کړه.
