ميدان وردګ؛ جلریز ولسوالۍ کې د اتو لوبډلو ترمنځ د فوټبال سیالۍ پای ته ورسیدې
د ميدان وردګو ولايت د بدني روزنې او ورزش امريت او جلریز ولسوالۍ د ورزشي کمیټې له لوري د فوټبال د اتو غورو لوبډلو ترمنځ د فوټبال سيالۍ پای ته ورسیدې.
د دغو سياليو د پای لوبې په مراسمو کې د ياد ولايت ورزشي مسوولينو، امنيتي چارواکو، ورزشکارانو او د ورزش سلګونو مينوالو ګډون کړی و.
د دې سیالیو پای لوبه د اتحاد او اتفاق لوبډلو ترمنځ ترسره شوه، چې اتحاد لوبډلې خپلې سیالې لوبډلې ته ۷-۴ ګولونو په توپیر ماته ورکړه.
د يادونې وړ ده چې د دغو سياليو موخه د فوټبال ورزش ته وده ورکول او د لوبغاړو ترمنځ مینه او محبت رامنځته کول وه.
