ميدان وردګ؛ په مرکز ميدان ښار کې د هيواد د خپلواکۍ د ۱۰۵ کاليزې په وياړ د لاس چپه کولو سيالۍ ترسره شوې
د ميدان وردگ ولايت د بدني روزنې او سپورټ امريت اړوند د ملي او دوديزو لوبو مديريت له لوري د ياد ولایت په ورزشي جمنازیوم کی د هیواد د خپلواکۍ د ۱۰۵ مې کاليزې په ویاړ د ۳۵ غوره ورزشکارانو ترمنځ د لاس چپه کولو سيالۍ ترسره شوې.
دغه سیالۍ د ملي او دوديزو لوبو د لا پراختیا په موخه او د هیواد د خپلواکۍ د ۱۰۵ مې کاليزې په ویاړ تر سره شوې او يوه ورځ يې دوام وکړ.
د يادونې وړ ده، چې په پای کې غوره ورزشکارانو ته مډالونه او ستاينليکونه ورکړل شول.
