ميدان وردګ؛ په مرکز ميدان ښار کې د واليبال تشويقي سيالۍ د نېک کلب لوبډلې په ګټه پاى ته ورسېدې
د میدان وردګو ولایت د ورزش آمریت او والیبال فدراسیون په همغږی په مرکز میدان ښار کې د ۱۰ لوبډلو په ګډون د والیبال تشویقي سیالۍ د نېک کلب لوبډلې په بريا پای ته ورسیدې.
د يادو سياليو پایلوبه د نېک کلب او ملاخېل لوبډلو تر منځ ترسره شوه، چې ۳-۱ ميدانونو په توپیر د نېک کلب لوبډلې وګټله.
د دغو لوبو موخه د ځوانانو تر منځ اتحاد، اتفاق او ورزش ته وده ورکول دي.
په پای کې لومړى مقام ،دويم او درېیم مقام ګټونکو لوبډلو ته کپونه او ستاینلیکونه ورکړل شول.
