ميدان وردگ؛ چک ولسوالۍ کې د ۵۰ ورزشکارانو ترمنځ د غشو ويشتلو سيالۍ ترسره شوې
د ميدان وردگو ولايت د بدني روزنې او سپورټ آمريت له لوري د دې ولایت د چک ولسوالۍ په بابا قعلي کلي کې د دوو لوبډلو د ۵۰ ورزشکارانو تر منځ د غشو ويشتلو سيالۍ ترسره شوې.
يادې سيالۍ د بابا قعلي او کابل ميشتو وردگو لوبډلو د ورزشکارانو ترمنځ ترسره شوې، چې په پايله کې د کابل ميشتو وردگ لوبډلې خپلې سيالې لوبډلې ته ۷۷/۱۰۷ نمرو په توپير ماتې ورکړه او بريا يې خپله کړه.
دغه سيالي چې يوه ورځ يې دوام وکړ، په پای کې د ورزش آمريت له لوري ورزشکارانو ته ستاينليکونه ورکړل شول.
