میدان وردګ؛ په نرخ ولسوالۍ کې د ۱۶ لوبډلو ترمنځ د والیبال سیالۍ پای ته ورسېدې
د ميدان وردګ ولايت د بدني روزنې او ورزش امريت او والیبال فدراسيون له لوري د نرخ ولسوالۍ ده مسلم کلي کې د ځوانانو د تشویق په موخه د ۱۶ لوبډلو ترمنځ د والیبال داخلي سیالۍ، چې درې ورځې یې دوام وکړ، د سپین غر لوبډلې په ګټه پای ته ورسېدې.
د دغو سياليو د پایلوبې لیدلو لپاره ورزشکارانو او د ورزش سلګونو مينوالو ګډون کړی و.
په پایلوبه کې سپین غر لوبډلې د ۲-۰ میدانونو په توپیر قعله قیام لوبډلې ته ماتې ورکړه او د دې سیالیو اتلولي یې ترلاسه کړه.
د یادو سياليو موخه د والیبال ورزش ته وده ورکول او د ورزشکارانو ترمنځ یووالی و.
