میدان وردګ ؛ په مرکز میدان ښار مرکزي جمنازیوم کې د ۱۸ لوبډلو ترمنځ د والیبال ولایتي سیالۍ پیل شوې
د میدان وردګو ولایت د بدني روزنې او ورزش امریت او والیبال فدراسیون په ګډه همکارۍ او د افغان بسیم مخابراتي شرکت په مالي ملاتړ د ا.ا.ا د بیا واکمنېدو د درېیمې کلیزې په مناسبت د څلورو ولایتو د ۱۸ لوبډلو ترمنځ د والیبال دوستانه سیالۍ پیل شوې.
په دغو سیالیو کې د بامیان، لوګر، غزني، کابل او میدان وردګو ولایتونو د والیبال لوبډلو ګډون کړی، چې په لومړۍ لوبه کې تنګي سټار لوبډلې خپلې سیالې حبیبي لوبډلې ته د ۲-۰ میدانونو په توپیر ماتې ورکړه او لومړۍ بریا یې خپله کړه.
دغه سیالۍ چې پنځه ورځې په دوام وکړي، موخه یې د ولایتونو د ورزشکارانو او مینوالو تر منځ مینه، یووالۍ او اخوت او همدارنګه د والیبال لوبو ته وده ورکول یاد شوي دي.
