میدان ورګ؛ د کانفوتوا رمضان جام سياليو اتلولي د کابل ولایت ورزشکارانو خپله کړه
د میدان وردګو ولایت د بدني روزنې او ورزش آمریت له لوري په دغه ولایت کې د کانفوتوا رزمي سیالۍ، چې د میدان وردګ ولایت په کوربه توب تر سره شوې د کابل ولايت په لومړي مقام پای ته ورسېدې.
د کانفوتوا په یادو سیالیو کې د کابل او میدان وردګو ولایتونو د ۹ کلپونو ۱۳۰ ورزشکارانو ګډون کړی و، چې په پايله کې
وحیدالله کلپ د ۹ طلا مډالونو په ګټلو سره لومړی، الفتح کلپ د ۶ طلا مډالونو په ګټلو سره دویم او میدان وردګ د ۵ طلا مډالونو په ګټلو سره درېیم مقام خپل کړ.
يادې سیالۍ به له دې وروسته د ياد ولايت په کوربتوب هر کال د ځوانانو د تشویق او یوالي په موخه څلور ځله ترسره کېږي.
