ننګرهار؛ بټي کوټ ولسوالۍ کې د ١٦ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په بټي کوټ ولسوالۍ کې د ١٦ لوبډلو ترمنځ د ټېپ بال کرېکټ سیالۍ پیل شوې.
د دغو سیالیو لومړۍ لوبه د ابراهیم خېلو او کوچیانو لوبډلو ترمنځ ترسره شوه. د لوبې پچه کوچیانو لوبډلې وګټله او لومړی یې توپ وهنه وکړه چې په ټاکلو لسو اورونو کې یې د درېیوو ویکټو په زیان سره خپلې سیالې لوبډلې ته د ١٣٥ منډو هدف وټاکه. ابراهیم خېلو لوبډلې د هدف په تعقیب کې د خپلو ټولو لوبغاړو په زیان سره ٩٧ منډې وکړې او د ٣٧ منډو په توپیر یې لوبه وبایلله.
دا سیالۍ ورزش ته د ځوانانو د هڅولو او د ځوانانو لپاره د سالمې تفرېح برابرولو په موخه پیل شوي دي چې دوې اوونۍ به دوام وکړي.
