ننګرهار؛ روداتو ولسوالۍ کې د ۳۵ ورزشکارانو ترمنځ د تیږې اچولو سیالۍ ترسره شوې
د ننګرهار ولایت د بدني روزنې او ورزش ریاست اړوند د ملي او دودیزو لوبو د مدیریت له لوري د یاد ولایت په روداتو ولسوالۍ کې د ۳۵ ورزشکارانو ترمنځ د تیږې اچولو سیالۍ ترسره شوې.
د یادو سیالیو په پایله کې ګل کوچي د ډېرو نمرو په ترلاسه کولو لومړی، عبدالمطلب دویم او عرفات درېیم مقام ترلاسه کړ.
دا سیالۍ د سیمې د ځوانانو لپاره د سالمې تفرېح په موخه ترسره شوې، چې یوه ورځ یې دوام وکړ او په پای کې غوره ورزشکارانو ته مډالونه ورکړل شول.
