ننګرهار؛ سره رود ولسوالۍ کې د ۳۶ لوبډلو ترمنځ د والیبال یو میاشتنی ټورنمېنټ پیل شو
د ننګرهار ولایت د بدني روزنې او ورزش ریاست په لارښوونو د یاد ولایت په سره رود ولسوالۍ کې د شهید ډاکټر محمد یعقوب په نوم د ۳۶ لوبډلو ترمنځ د والیبال ۳۰ ورځنۍ سیالۍ پیل شوې.
د یادو سیالیو د پیل لوبه د بډیالۍ او قلعه معروف د والیبال لوبډلو ترمنځ ترسره شوه، چې د بډیالۍ لوبډلې ۳ـ۰ په مقابل کې د قلعه معروف لوبډلې ته ماتې ورکړه او د لومړۍ لوبې بریا یې په خپل نوم کړه.
د روان ټورنمېټ دویمه لوبه نن یکشنبه د حاجي صاحبانو او د مومندرې ولسوالۍ د والیبال لوبډلو ترمنځ ترسره کېږي.
