ننګرهار؛ مرکز جلال اباد ښار کې د ۲۰۰ ورزشکارانو ترمنځ د پهلوانۍ سیالۍ پیل شوې

د ننګرهار ولایت د بدني روزنې او ورزش ریاست اړوند د پهلوانۍ فدراسیون د استازولۍ له لوري د یاد ولایت مرکز جلال اباد ښار د فوټبال په لوبغالي کې د ۲۰۰ ورزشکارانو ترمنځ د پهلواني سیالۍ پیل شوې.

په دغو سیالیو کې د ننګرهار له ۴۰ کلبونو د نویو ځوانانو، ځوانانو او مشرانو په عمري کټګوریو کې ورزشکارانو ګډون کړی دی، چې دوې ورځې به یو د بل پر وړاندې ولوبیږي.

دا سیالۍ د لغمان په مسابقو کې د ننګرهار د غوره او ځلېدونکو پهلوانانو د تشویق په موخه پیل شوې دي، چې دوې ورځې به دوام وکړي.