ننگرهار؛ جلال آباد ښار کې د پهلوانۍ سيالۍ پيل شوې
د ننگرهار ولايت د بدني روزنې او ورزش رياست په همغږۍ، د پهلواني فدراسيون د استازولۍ له لوري د جلال آباد ښار په مرکزي سټډيوم کې د ۳۰۰ پهلوانانو ترمنځ د پهلوانۍ سيالۍ پيل شوې.
په يادو سياليو کې به ورزشکاران د نويو ځوانانو، ځوانانو او لويانو په عمري کټگوریو کې د يو بل پر وړاندې سيالۍ ترسره کړي.
دا سيالۍ راتلونکو ملي سياليو لپاره د پهلوانانو د لا ښه چمتوالي او د استعداد لوړونې په موخه ترسره کېږي، چې دوې ورځې به دوام وکړي.
