ننگرهار؛ خوږياڼو ولسوالۍ کې د اتو لوبډلو ترمنځ د واليبال سيالۍ پای ته ورسېدې
د ننگرهار ولايت د بدني روزنې او ورزش رياست اړوند د واليبال فدراسيون د استازولۍ له لوري د خوږياڼو ولسوالۍ په حکيم اباد سيمه کې د تنکيو ځوانانو د اتو لوبډلو ترمنځ د واليبال سيالۍ، چې اته ورځې مخکې پيل شوې وې د بازار لوبډلې په اتلولۍ پای ته ورسېدې.
د يادو سياليو په پايلوبه کې بازار لوبډلې خپلې سيالې حکيم اباد لوبډلې ته د ۳ پر صفر ميدانونو په توپير ماتې ورکړه او اتلولي يې په خپل نوم کړه.
د يادولو وړ ده، چې د دغو سياليو په پای کې اتلې لوبډلې ته د اتلولۍ جام ورکړل شو.
