ننگرهار؛ لعلپورې ولسوالۍ کې د ۳۶ لوبډلو تر منځ د واليبال سيالۍ پای ته ورسېدې
د ننگرهار ولايت د بدني روزنې او سپورټ رياست اړوند د واليبال فدراسيون د استازولۍ له لوري د لعلپورې ولسوالۍ په چکنور اتحاد ورزشي لوبغالي کې د ۳۶ لوبډلو تر منځ د واليبال سيالۍ د لعلپورې ولسوالۍ لوبډلې په اتلولۍ پای ته ورسېدې.
د يادو سياليو پايلوبه د روداتو او لعلپورې ولسواليو لوبډلو تر منځ ترسره شوه، چې په پايله کې لعلپورې لوبډلې خپلې سيالې لوبډلې ته ۰/۳ مېدانونو په توپير ماتې ورکړه او اتلولي يې خپله کړه.
د دغو سياليو د ترسراوي موخه، د ځوانانو تر منځ يووالی او فکري رغونه وه. چې شاوخوا ۲۰ ورځې يې دوام وکړ.
په پای کې د ياد ولايت د ورزش رياست له خوا، لومړي او دويم مقام گټونکو لوبډلو ته کپونه ورکړل شول.
