ننگرهار؛ په شينوارو ولسوالۍ کې د لسو لوبډلو ترمنځ د فوټبال سيالۍ پای ته ورسېدې
د ننگرهار ولايت د بدني روزنې او سپورټ رياست اړوند د شينوارو شپږگونو ولسواليو ورزشي مديريت له لوري د ياد ولايت په شينوارو ولسوالۍ کې د لسو لوبډلو ترمنځ د لومړي ځل لپاره د فوټبال سيالۍ د ډکې الف لوبډلې په اتلولۍ پای ته ورسېدې.
د يادو سياليو په پايلوبه کې ډکې الف لوبډلې سيالې ډکې ب لوبډلې ته د ۰/۵ گولونو په توپير ماتې ورکړه او اتلولي يې خپله کړه.
دغه سیالۍ، چې شاوخوا دوې اوونۍ يې دوام وکړ، په پای کې اتلې لوبډلې ته د اتلولۍ جام ورکړل شو.
