ننگرهار؛ په شينوارو ولسوالۍ کې د ۱۶ لوبډلو ترمنځ د ټېپ بال کرکټ سيالۍ پيل شوې
د ننگرهار ولايت د بدني روزنې او ورزش رياست اړوند د شينوارو شپږگونو ولسواليو ورزشي مديريت له لوري د شينوارو ولسوالۍ په ۲۹ مې ورزشي لوبغالي کې د ۱۶ لوبډلو ترمنځ د ټېپ بال کرکټ سيالۍ د احمدزيو لوبډلې په بریا پيل شوې.
د يادو سياليو لومړۍ لوبه د ۲۹ مې ويالې او احمدزيو لوبډلو ترمنځ ترسره شوه، د لوبې پچه ۲۹ مې ويالې لوبډلې وگټله او لومړی يې توپ وهونکې وکړه، چې په ټاکلو لسو اورونو کې د شپږو لوبغاړو په سوځېدو سره سیالې لوبډلې ته د ۱۰۰ منډو هدف کېښود، احمدزيو لوبډلې ياد هدف په اتم اور کې ترلاسه کړ او د پنځو ويکټو په توپير يې بريا خپله کړه.
د دغو سياليو د ترسره کېدو موخه د ځوانانو ترمنځ يووالی او له ااا نظام څخه ملاتړ ښودل شوی، چې ۱۶ ورځې به دوام وکړي.
