نیمروز؛ مرکز زرنج ښار کې د شپږو لوبډلو ترمنځ د فوټبال لومړی درجه لیګ پای ته ورسېد
د نيمروز ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز زرنج ښار کې د شپږو لوبډلو ترمنځ د فوټبال لومړی درجه لیګ سیالۍ پای ته ورسېدې.
دغه سيالۍ د ليګ په ډول ترسره شوې، چې په پايله کې کوهسيا لوبډلې لومړی او ميهن لوبډلې بیا دويم مقام خپل کړ.
د يادو سياليو موخه د فوټبال لوبو ته وده ورکول او د فوټبال لومړي درجه لیګ غوره لوبډله موندل و، چې يوه اوونۍ يې دوام وکړ.
