نیمروز کې د ۵۰ ورزشکارانو ترمنځ د کیک بوکسینګ نولسم پړاو سیالۍ ترسره شوې
د نیمروز ولایت د بدني روزنې او ورزش امریت اړوند د کیک بوکسینګ فدراسیون د استازولۍ له لوري د یاد ولایت په مرکز زرنج ښار کې د ۵۰ ورزشکارانو ترمنځ د نویو ځوانانو، ځوانانو او د لویانو ورزشکارانو په عمري کټګوریو کې د کیک بوکسینګ نولسم پړاو سیالۍ ترسره شوې.
دغه سیالۍ، چې د تک فایټ په ډول ترسره شوې، په پایله کې ۲۵ ورزشکارانو خپلو سیالانو ته په ماتې ورکولو سره بریاوې خپلې کړې او لومړي مقامونه ترلاسه کړل.
د یادو سیالیو موخه د ورزشکارانو ترمنځ د کیک بوکسینګ ورزش ته وده ورکول او د غوره ورزشکارانو موندل و، چې یوه ورځ یې دوام وکړ.
د سیالیو په پای کې غوره ورزشکارانو ته چمتو شوې ډالۍ ورکړل شوې.
