هرات؛ ادرسکن ولسوالۍ کې د والیبال څلور اړخېزه سیالۍ پای ته ورسېدې
د هرات ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په ادرسکن ولسوالۍ کې د څلورو لوبډلو ترمنځ د والیبال سیالۍ د انصاري لوبډلې په اتلولۍ پای ته ورسېدې، چې دوې اوونۍ یې دوام وکړ.
د دغو سیالیو په پایلوبه کې انصاري لوبډلې خپلې سیالې اتلان لوبډلې ته د ۳/۲ امتیازونو په توپیر ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول، د لوبغاړو روحیه پیاوړي کول او د غوره استعدادونو موندل و.
