هلمند، په ناوه ولسوالۍ کې د ۱۲ لوبډلو ترمنځ د ټېپ بال کرکټ سیالۍ پای ته ورسیدې
د هلمند ولایت د بدني روزنې او ورزش امریت اړوند د ټېپ بال کرکټ فدراسیون د استازولۍ له لوري د یادې ولسوالۍ په دښت سیمه کې د ۱۲ لوبډلو ترمنځ د ټېپ بال کرکټ سيالۍ، چې څو ورځې وړاندې پيل شوې وې پای ته ورسېدې.
د دغو سیالیو پایلوبه د ناصري ستورو او ناصري اتحاد لوبډلو ترمنځ وشوه، لومړی توپوهنه ناصري اتحاد لوبډلې وکړه او په ټاکلو ۱۲ اورونو کی یې سیالې لوبډلې ته ۱۸۲ منډې هدف کېښود. د لوبې په دويمه پاڼۍ کې ناصري ستورو لوبډلې ۱۳۲ منډې وکړې او په ۵۰ منډو يې ماتې وخوړه.
