هلمند؛ باباجي ولسوالۍ کې د شپږو لوبډلو ترمنځ د ټېپ بال کرېکټ سیالۍ د شاهین اتلانو لوبډلې په اتلولۍ پای ته ورسېدې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولي له لوري د ياد ولايت د باباجي ولسوالۍ په رود ورزشي لوبغالي د شپږو لوبډلو ترمنځ د ټېپ بال کرېکټ ۱۲ اوریزه سیالۍ پای ته ورسېدې.
د دغو سیالیو پایلوبه د غوث او شاهین اتلانو لوبډلو ترمنځ ترسره شوه، چې په پایله کې شاهین اتلانو لوبډلې په ټاکلو ۱۲ اورونو کې خپلې سیالې لوبډلې ته د ۲۰۰ منډو هدف وټاکه، په مقابل کې غوث لوبډلې د ټولو لوبغاړو په سوځېدو سره یواځې ۱۴۰ منډې جوړې کړې او لوبه یې د ۶۰ منډو په توپیر شاهین اتلانو لوبډلې ته وبایلله.
يادې سیالۍ د ټېپ بال کرېکټ ورزش ته د ځوانانو د هڅونې په موخه ترسره شوې، چې ۲۰ ورځې یې دوام وکړ.
