هلمند؛ خانشین ولسوالۍ کې د لسو لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش آمریت له لوري د یاد ولایت په خانشین ولسوالۍ کې د لسو لوبډلو ترمنځ د ټېپ بال کرېکټ سیالۍ د پښتون لوبډلې په اتلولي پای ته ورسېدې.
د یادو سیالیو پایلوبه کې پښتون لوبډلې له خپل ۱۵۰ منډو هدف څخه دفاع وکړه او د اتو منډو په توپیر یې خپلې سیالې مسلم ازاد لوبډلې ته ماتې ورکړه او د دغو سیالیو اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
