هلمند؛ د کرکټ ټېپ بال رمضان جام سیالیو په دوام درې سیالۍ ترسره شوې
دغه سیالۍ چې د یاد ولایت د ورزشي امریت له لوري، د روژې میاشتې له لومړیو راپدېخوا پیل شوې په داوم یې نن درې سیالۍ ترسره شوې.
په لومړۍ سیالۍ کې آزاد کرکټ لوبډلې سیون سټار لوبډلې ته په څلورو ویکټو ماتې ورکړه او بریا یې ترلاسه کړه، د دغې سیالۍ غوره لوبغاړی خان ریحان و، چې په ۲۰ توپونو یې ۴۵ چټکې منډې جوړې کړې.
په دویمه سیالۍ کې الماس لوبډلې وطن لوبډلې ته په آتو ویکټو ماتې وړکړه او په زړه پورې بریا یې ترلاسه کړه، د دغې سیالۍ غوره لوبغاړی طیب جان و، چې په یوه اور کې یې د پنځو منډو په ورکولو سره د سیالې لوبډلې درې قېمتي ویکټې له مخې لرې کړې.
همداراز درېیمه سیالي د نوري او اسحاق لوبډلو ترمنځ ترسره شوه چې پایله کې نوري لوبډلې خپلې سیالې لوبډلې ته په ۱۱ویکټو ماتې ورکړه او یوه په زړه پورې بریا یې ترلاسه کړه، د نوموړې سیالۍ غوره لوبغاړی عبدالحق و، چې په دوو اورونو کې یې د څلورو منډو په ورکولو سره د سیالې لوبډلې درې قېمتي ویکټې د خپلې لوبډلې په ګټه له میدان څخه بهر کړې.
باید یادونه وشي چې دغه سیالۍ د روژې مبارکې میاشتې له لومړیو راپدېخوا په غازي محمد ایوب خان لوبغالي کې پیل، او د روژې مبارکې میاشتې تر وروستیو پورې به دوام وکړي.
