هلمند؛ مرکز لښکرګاه ښار کې د ١٦ لوبډلو ترمنځ د ټېپ بال کرېکټ سیالۍ پیل شوې
د هلمند ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز لښکرګاه کې د ١٦ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د نویو ځوانانو او پښتون زلميانو لوبډلو ترمنځ ترسره شوه. د لوبې پچه نویو ځوانانو لوبډلې وګټله او لومړی یې توپوهنه وکړه، چې په ټاکلو ١٤ اورونو کې یې خپلې سیالې لوبډلې ته د ٢٣٠ منډو هدف وټاکه. پښتون زلميانو لوبډلې د هدف په تعقیب کې د اتو ویکټو په زیان ١٧١ منډې وکړې او د ٥٨ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه پیل شوي دي، چې شل ورځې به دوام وکړي.
