هلمند؛ نادعلي ولسوالۍ کې د اتو لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش امريت اړوند د فوټبال فدراسیون د استازولۍ له لوري د ياد ولايت په نادعلي ولسوالۍ کې د اتو لوبډلو ترمنځ د فوټبال سیالۍ د عابد ياران لوبډلې په اتلولي پای ته ورسېدې.
د یادو سیالیو پایلوبه کې عابد ياران لوبډلې د ٢/١ ګولونو په توپیر خپلې سیالې لعل محمد لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې، چې دوې اوونۍ يې دوام وکړ.
