هلمند؛ نادعلي ولسوالۍ کې د اتو لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په نادعلي ولسوالۍ کې د اتو لوبډلو ترمنځ د فوټبال سیالۍ د سادات لوبډلې په اتلولي پای ته ورسېدې.
د یادو سیالیو پایلوبه د سادات او لعل محمد لوبډلو ترمنځ ترسره شوه، چې په پایله کې یې سادات لوبډلې د ۲/۳ ګولونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅونې په موخه ترسره شوې، چې درې اوونۍ یې دوام وکړ.
