هلمند؛ په نادعلي ولسوالۍ کې د ۱۲ لوبډلو ترمنځ د ټېپ بال کرکټ سيالۍ پای ته ورسېدې
د هلمند ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د نادعلي ولسوالۍ په گل آغا بازار سيمه کې د ۱۲ لوبډلو ترمنځ د يووالي په نوم د ټېپ بال کرکټ سيالۍ، چې ۳۵ ورځې مخکې پيل شوې وې، د جانان زړگي لوبډلې په اتلولۍ پای ته ورسېدې.
د يادو سياليو پايلوبه د جانان زړگي او هلمند بازانو لوبډلو ترمنځ ترسره شوه، چې جانان زړگي لوبډلې د لوبې پچې په گټلو سره په ټاکلو لسو اورونو کې سيالې لوبډلې ته د ۱۶۷ منډو هدف وټاکه، په مقابل کې هلمند بازانو لوبډلې يواځې ۱۳۵ منډې وکړې او لوبه يې د ۳۲ منډو په توپير وبايلله.
