هلمند؛ په ګرمسېر ولسوالۍ کې د اتو لوبډلو ترمنځ د والیبال ګروپي سیالۍ پیل شوې
د هلمند ولایت ګرمسېر ولسوالۍ په امیر بلند اغا ورزشي لوبغالي کې د ځوانانو د یووالي په نوم د اتو لوبډلو ترمنځ د والیبال ګروپي سیالۍ پیل شوې.
په دغو سیالیو کې چې دوه اوونۍ به دوام وکړي (هزار جفت، اتحاد، عمرزي، شاهین الف، شاهین ب ،حقیار، صفار مرکزي او صفار الف) لوبډلو ګډون کړی دی.
د دغو سیالیو په لومړۍ لوبه کې عمرزو لوبډلې خپلې سیالې حقیار لوبډلې ته د ۳-۲ میدانونو په توپیر ماتې ورکړه، همداراز په دویمه لوبه کې اتحاد لوبډلې خپلې سیالې سیلمان شاه لوبډلې ته د ۳-۰ میدانونو په توپیر ماتې ورکړه او بریا یې خپله کړه.
