هلمند؛ په گرشک ولسوالۍ کې د ۱۶ لوبډلو ترمنځ د فوټسال سيالۍ پای ته ورسېدې
د هلمند ولايت د بدني روزنې او سپورټ امريت په همغږۍ د گرشک ولسوالۍ په ورزشي جمنازيوم کې د ۱۶ لوبډلو ترمنځ ورزش ته د نويو ځوانانو هڅولو په موخه د فوټسال سيالۍ د محمدي لوبډلې په اتلولۍ پای ته ورسېدې.
د يادو سياليو په پايلوبه کې محمدي لوبډلې سيالې عمري لوبډلې ته ۰/۹ گولونو په توپير ماتې ورکړه او اتلولي يې خپله کړه.
د يادونې وړ ده، چې دغو سياليو شاوخوا درې اوونۍ دوام وکړ او په پای کې غوره ورزشکارانو ته بېلابېلې چمتو شوې ډالۍ ورکړل شوې.
