هلمند؛ ګرشک ولسوالۍ کې د لسو لوبډلو ترمنځ د فوټسال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري او د سوپر صفا شرکت په مالي ملاتړ د ياد ولايت په ګرشک ولسوالۍ کې د لسو لوبډلو ترمنځ د فوټسال سیالۍ د انصاري لوبډلې په اتلولي پای ته ورسېدې.
د یادو سياليو پایلوبه د انصاري او سیلاب ذاهدي لوبډلو ترمنځ ترسره شوه چې په پایله کې یې انصاري لوبډلې د ۵ پر ٢ ګولونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دغو سیالیو درې اوونۍ دوام وکړ چې په پایله کې یې پرویز احمد غوره لوبغاړی، نوید احمد غوره ګول وهونکی او قسمت خان غوره ساتونکی ونومول شو.
