هلمند؛ ګرمسير ولسوالۍ کې د ۸ لوبډلو ترمنځ د فوټبال ناک اوټ سیالۍ پیل شوې
د هلمند ولایت د بدني روزنې او ورزش آمریت اړوند د فوټبال ملي فدراسیون د استازولۍ له لوري د ياد ولايت د ګرمسير ولسوالۍ په لکي فوټبالي حوزه کې د ۸ لوبډلو ترمنځ د فوټبال ناک اوټ سیالۍ پیل شوې.
د دغو سیالیو په لومړۍ لوبه کې د آریانا لکي او اباسین لوبډلو ترمنځ ۰/۰ مساوي پای ته ورسیده، خو په پنالټيو د آریانا لوبډلي خپلې سیالې اباسين لوبډلې ته د ۴/۳ ګولونو په توپير ماتې ورکړه او اتلولي يې خپله کړه.
يادې سیالۍ د فوټبال د پرمختګ هڅونې او تشویق په موخه نیول سوې چې يوه اووني به دوام وکړي.
