پروان؛ د اختريز جام فوتسال سيالۍ او پارکور جمناسټيک نمايشونه ترسره شول
د پروان ولايت د ورزش امريت د اختر په مناسبت او ځوانانو د هڅونې په موخه د پروان په ورزشي سټډيوم کې د پارکور جمناسټيک ١٠ تنو ورزشکارانو نمايشونه وړاندې کړل.
د دې ترڅنګ د اختريز جام په نوم د فوتسال سيالۍ هم ترسره شوې، چې د مرکز ٨ لوبډلې ترمنځ په نمبر يک ورزشي جمنازيوم د روژې په ٢٥مه پيل شوې وې د دوستي لوبډلې په ګټه پاى ته ورسېدې.
د يادو سياليو پايلوبه د دوستي او جوانان نعمان لوبډلو ترمنځ وشوه، چې ١٤-٦ پایلې په توپیر د دوستي لوبډلې په اتلولۍ پاى ته ورسېده.
د دغو سياليو د ترسره کېدو موخه د اختر لمانځل او له ناوړه کارونو څخه د ځوانانو راګرځول او ورزش ته هڅول دي.
