پروان؛ مرکز کې د دوو لوبډلو ترمنځ د والیبال دوستانه سیالۍ ترسره شوې
د پروان ولایت د بدني روزنې او ورزش امریت له لوري د یاد ولایت مرکز کې د البیروني پوهنتون او د پروان پوهنتونونو محصلینو ترمنځ د والیبال دوستانه سیالۍ ترسره شوې.
دغو سیالیو، چې یوه ورځ یې دوام وکړ، په پایله د البیروني پوهتنون محصلینو خپلې سیالې لوبډلې ته د ۳/۲ امتیازونو په توپیر ماتې ورکړه او اتلولي یې خپله کړه.
د یادو سیالیو موخه د ځوانانو او محصلینو ترمنځ ورزش ته وده ورکول و.
د سیالیو په پای کې د پروان ولایت ورزش امریت له لوري ګډون کوونکي محصلین د هڅوونې په موخه وستایل شول.
