په خوست کې د ۱۵ ولايتونو د ورزشکارانو ترمنځ د سوکيوکوشين کراټې سيالۍ وشوې
د خوست ولایت د بدني روزنې او ورزش امريت اړوند د سوکيوکوشين کراټې فدراسيون د استازولۍ له لوري د ۱۵ ولايتونو د ۸۰ ورزشکارانو ترمنځ د سوکيوکوشين کراټې سيالۍ ترسره شوې.
دغه سيالۍ چې موخه يې د ولايتونو په کچه د غوره فايټرانو موندل وو، په پايله کې خوست ولايت د درېوو سرو زرو مډالونو په ګټلو سره لومړی، فراه ولایت د سرو زرو د دوو مډالونو په ګټلو سره دويم او لوګر ولايت د سرو زرو د يوه مډال په ګټلو سره درېيم مقام خپل کړل.
د يادونې وړ ده، چې د يادو سياليو په پای کې غوره ورزشکارانو ته مډالونه، کپونه او چمتو شوې ډالۍ ورکړل شوې.
