په بامیانو کې د فوټسال رمضان جام سیالیو اتلولي د مزاري VIP لوبډلې خپله کړه

د بامیانو ولایت د فوټسال رمضان جام سیالۍ د روژې میاشتې په ۱۶مه د ۲۸ لوبډلو ترمنځ پیل شوې شوې، چې نن ورځ د بامیانو په نوي جمنازیوم کې د مزاري VIP لوبډلې په اتلوۍ پای ته ورسېدې.

د یادو سیالیو پایلوبې ته د مزاري VIP او المهدي لوبډلو لار موندلې وه، چې په پایله کې مزاري VIP لوبډلې خپلې سیالې لوبډلې ته د ۳-۱ ګولونو په توپیر ماتې ورکړه او اتلولي یې خپله کړه.

په دغو سیالیو کې فرهاد د المهدي لوبډلې د غوره ګول وهونکي، مهدي د مزاري VIP لوبډلې د غوره ګول ساتونکي او محمد له المهدي لوبډلې څخه د غوره لوبغاړي په توګه وپېژندل شول.

دغه سیالۍ د فوټسال سیالیو د ودې او ورزش ته د ځوانانو د هڅولو په موخه ترسره شوې.