په بامیانو کې د ژمني ټورنمنټ په نوم د ۱۳ لوبډلو ترمنځ د والیبال سیالۍ پیل شوې
د بامیانو ولایت د بدني روزنې او ورزش امریت او والیبال فدراسیون د استازولۍ په همکارۍ د یاد ولایت په مرکز روح الله نیکپا ورزشي جمنازیوم کې د ۱۳ لوبډلو ترمنځ د والیبال سیالۍ پیل شوې.
د دغو سیالیو د پیل په لوبه کې حیدر اباد لوبډلې خپلې سیالې لوبډلې ته د ۳-۲ میدانونو په توپیر ماتې ورکړه.
د یادونې وړ ده چې دغه سیالۍ په ګروپي بڼه ترسره کېږي او لس ورځې به دوام وکړي.
