په خوست ولایت کې د تکواندو غوراوي سیالیو پای، اته تنه ورزشکاران منتخبې لوبډلې ته وټاکل شول
د تکواندو دغه سیالۍ چې په حبیبي کلپ کې ترسره شوې د «۴»کلپونو «۳۰»تنه ورزشکارانو ګډون کړی و.
په یادو سیالیو کې ګډون کوونکو ورزشکارانو په اتو وزني کلاسونو کې ولوبېدل چې په پایله کې یې د هر وزني کټګورۍ د لومړي مقام ګټونکو ورزشکارانو د خوست تکواندو منتخبې لوبډلې غړیتوب ترلاسه کړ.
د دې سیالیو له جریان څخه ورزشي مسوولینو، د تکواندو فدراسیون، ګڼ شمېر ځوانانو او د تکواندو مینه والو ننداره کوله.
ویل کیږي دغه لوبډله به د خوست ولایت تکواندو په استازیتوب په راتلونکې اونۍ کې په کابل کې په کېدونکو لوبو کې ګډون وکړي.
