په لغمان کې د ازادۍ په نوم د والیبال سیالیو اتلولي کچور لوبډلې خپله کړه
د لغمان ولایت د بدني روزنې او ورزش امریت اړوند والیبال فدراسیون له لوري د همدې ولایت په مرکز میر حسن بیلې سیمه کې د ازادۍ په نوم د ۲۰ لوبډلو ترمنځ د والیبال سیالیو اتلولي چې ۲۴ ورځې یې دوام وکړ کچور لوبډلې خپله کړه.
د دغو سیالیو پایلوبه د میر حسن بیلې او کچور لوبډلو ترمنځ ترسره شوه، چې په پایله کې کچور لوبډلې خپلې سیالې لوبډلې ته د ۳-۰ میدانونو په توپیر ماتې ورکړه او اتلولي یې خپله کړه.
هېره دې نه وي چې ددغو سیالیو په پای کې د یاد ولایت د ورزشي مسوولینو له لوري غوره لوبډلو او لوبغاړو ته کپونه، مډالونه او ستاینلیکونه ورکړل شول.
