په کابل کې د ۸۰ ورزشکارانو ترمنځ د استاد غفور رغبت جام بوکسنګ سیالۍ پای ته ورسېدې

د بدني روزنې او ورزش عمومي ریاست اړوند د بوکسنګ ملي فدراسیون له لوري د استاد غفور رغبت جام سیالۍچې د کابل له۲۲ کلبونو څخه پکې ۸۰ ورزشکارانو ګډون کړی و پای ته ورسېدې.

دغه سیالۍ چې دوه ورځې وړاندې پیل شوې او نن یې وروستی پړاو لوبې وشوې، چې په پایله کې په مختلفو وزنونو کې له مختلفو کلبونو څخه ۱۳ ورزشکارانو لومړی او ۱۳ ورزشکارانو دویم مقامونه ترلاسه کړل.

هېره دې نه وي چې د دغو سیالیو د پایلوبې په مراسمو کې ورزشي مسولینو، ورزشکارانو او د ورزش لسګونو مینوالو ګډون کړی و.

په پای د بوکسنګ فدراسیون له لوري غوره ورزشکارانو ته مډالونه او د قهرمانۍ حکمونه ورکړل شول.