پکتيکا؛ د ارګون ولسوالۍ په پير کوتي سيمه کې د ۲۴ لوبډلو ترمنځ د فوټبال سيالۍ پای ته ورسېدې
د پکتیکا ولایت د بدني روزنې او ورزش امریت اړوند فوټبال فدراسیون د استازولۍ له لوري په پیرکوتي سيمه کې د ۲۴ لوبډلو ترمنځ د فوټبال سیالۍ، چي ۱۵ ورځي وړاندې پیل شوې وې د سپیرواس لوبډلې په اتلولۍ پاي ته ورسېدې.
د یادو سیالیو پایلوبه د سپیرواس او جلیل کاروان لوبډلو ترمنځ ترسره شوه، چې په پايله کې سپیرواس لوبډلې خپلې سيالې لوبډلې ته د ۱-۰ ګولونو په توپير ماتې ورکړه او اتلولي يې خپله کړه.
هېره دې نه وي چې د یادو سیالیو موخه په لرې پرتو سېمو کې ورزش ته وده ورکول ياد شوي دي.
