پکتيکا؛ سروبي ولسوالۍ کې د ۱۲ لوبډلو ترمنځ د ټېپ بال کرېکټ سیالۍ پيل شوې
د پکتيکا ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د ياد ولايت په سروبي ولسوالۍ کې د ۱۲ لوبډلو ترمنځ د ټېپ بال کرېکټ سيالۍ پيل شوې.
د يادو سياليو لومړۍ لوبه د عيد مرجان منگاروټي او خان پاسني لوبډلو ترمنځ وشوه، د لوبې پچه خان پاسني لوبډلې وگټله او لومړی يې د توپ وهنې پرېکړه وکړه، چې په ټاکلو ۱۰ اورونو کې يې د ۳ لوبغاړو په سوځېدو سره خپلې سيالې لوبډلې ته د ۱۸۶ منډو هدف کېښود، په ځواب عيد مرجان منگاروټي لوبډلې د ټولو اورونو په لوبولو سره ياد هدف ترلاسه نه کړ او لوبه يې د ۵۴ منډو په توپير وبايلله.
دا سیالۍ د ځوانانو لپاره د سالمې تفريح برابرولو په موخه وشوې، چې يوه اوونۍ يې دوام وکړ.
