پکتيکا؛ مرکز ښرنه کې د ۲۰ لوبډلو ترمنځ د ټېپ بال کرکټ سيالۍ پای ته ورسېدې
د پکتيکا ولايت د بدني روزنې او سپورټ امريت اړوند د ټېپ بال کرکټ فدراسيون د استازولۍ له لوري د ښرنې ښار په نوې سرې کلا کلي کې د ۲۰ لوبډلو ترمنځ ورزش ته د ځوانانو هڅولو او د نشه يي توکو پر وړاندې د مبارزې په موخه د ټېپ بال کرکټ سيالۍ، چې څلور ورځې مخکې پيل شوې وې، د مدد خېلو لوبډلې په اتلولۍ پای ته ورسېدې.
د يادو سياليو پايلوبه د مدد خېلو او م.ل.ا.ي.ا.ن.و لوبډلو ترمنځ ترسره شوه، چې مدد خېلو لوبډلې د لوبې پچې په گټلو سره په ټاکلو لسو اورونو کې د اوو لوبغاړو په سوځېدو سره سیالې لوبډلې ته د ۱۵۳ منډو هدف وټاکه، په مقابل کې م.ل.ا.ي.ا.ن.و لوبډلې د شپږو لوبغاړو په سوځېدو سره يواځې ۱۲۵ منډې وکړې او لوبه يې د ۲۷ منډو په توپير وبايلله.
ياده دې وي، چې د دغو سياليو په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
