پکتيکا؛ په برمل ولسوالۍ کې د ۱۵ لوبډلو ترمنځ د ټېپ بال کرکټ سيالۍ پيل شوې
د پکتيکا ولايت د بدني روزنې او ورزش امريت په همغږۍ د ياد ولايت په برمل ولسوالۍ کې د ۱۵ لوبډلو ترمنځ د ټېپ بال کرکټ سيالۍ د برمل لېسې لوبډلې په بريا پيل شوې.
د يادو سياليو لومړۍ لوبه د برمل لېسې او شکين لوبډلو ترمنځ ترسره شوه، شکين لوبډلې د لوبې پچې په گټلو سره په ټاکلو لسو اورونو کې سيالې لوبډلې ته د ۸۳ منډو هدف کېښود، برمل لېسې لوبډلې ياد هدف په اتم اور کې ترلاسه کړ او د شپږو ويکټو په توپير يې بريا خپله کړه.
د يادونې وړ ده، چې د دغو سياليو موخه لرې پرتو سيمو کې ورزش ته وده ورکول ښودل شوي دي.
