پکتيکا کې د ۱۸ لوبډلو ترمنځ د فوټسال سيالۍ پای ته ورسېدې
د پکتيکا ولايت د بدني روزنې او ورزش آمريت په همغږۍ، د فوټبال فدراسيون د استازولۍ له لوري د مرکز ښرنې اړوند ملک لوبغالي کې د ۱۸ لوبډلو ترمنځ د فوټسال سيالۍ د فيصل شايسته لوبډلې په اتلولۍ پای ته ورسېدې.
د يادو سياليو پايلوبه کې فيصل شايسته لوبډلې خپلې سيالې مدد خېلو لوبډلې ته د ۴ پر ۰ ګولونو په توپير ماتې ورکړه او اتلولي يې خپله کړه.
دا سيالۍ فوټسال لوبې ته د ودې ورکولو او د ځوانانو لپاره د سالمې تفريح برابرولو په موخه وشوې، چې ۱۱ ورځې يې دوام وکړ.
