پکتيکا کې د ۲۰ لوبډلو ترمنځ د واليبال سيالۍ پای ته ورسېدې
د پکتيکا ولايت د بدني روزنې او ورزش امريت اړوند د واليبال فدراسيون د استازولۍ له لوري د ياد ولايت په مرکز ښرنه کې د ۲۰ ب لوبډلو ترمنځ د واليبال سيالۍ د حاجي باور کلا ب لوبډلې په اتلولۍ پای ته ورسېدې.
د يادو سياليو په پايلوبه کې حاجي باور کلا ب لوبډلې خپلې سيالې محمد خېلو ب لوبډلې ته د ۲ پر ۱ ميدانونو په توپير ماتې ورکړه او اتلولي يې خپله کړه.
د يادولو وړ ده، چې د دغو سياليو د ترسره کېدو موخه په کليوالو سيمو کې ورزش ته وده ورکول و، چې ۱۲ ورځې يې دوام وکړ.
